რამზან კადიროვმა “ჩეჩნეთის უკანასკნელი ემირის” ასლან ბიუტუკაევის ლიკვიდაციის შესახებ განაცხადა.
ჩეჩნეთის ხელისუფლების პროპუტინური ლიდერის, რამზან კადიროვოს თქმით სოფელ კატირ-იურტში ექსტრემისტების ექვსკაციანი ჯგუფი გაანადგურეს, რომელიც რესპუბლიკის ტერიტორიაზე დარჩენილი ბოლო ექსტრემისტული დაჯგუფება იყო, რომლის ლიდერიც საველე მეთაური, “ჩეჩნეთის უკანასკნელ ემირად” წოდებული ასლან ბიუტუკაევი იყო.
“რესპუბლიკაში სეპარატისტული იატაკქვეშეთი საბოლოოდ განადგურებულია” – დაწერა კადიროვმა.
მისი თქმით,სპეცოპერაცია ახმად-ხაჯი კადიროვის სახელობის პოლიციის პოლკის მებრძოლებმა ჩაატარეს, ამასთან სპეცოპერაციის დაგეგმვაში თავად რესპუბლიკის ლიდერიც ღებულობდა მონაწილეობას.
კადიროვის თანახმად, სპეცოპერაციის შესახებ ინფორმირებული იყო რუსეთის პრეზიდენტი, ვლადიმირ პუტინი, რომელსაც არსებულ გეგმაში პირადად შეჰქონდა გარკვეული ცვლილებები.
პრეზიდენტის პრეს-მდივანმა პესკოვმა დაადასტურა, რომ პუტინმა კადიროვს დაურეკა და ბიუტუკაევის ჯგუფის ლიკვიდაცია მიულოცა.
