ცნობილი იაკუტელი შამანი, ალექსანდრ გაბიშევი, მოსკოვის დალაშქვრას ისევ გეგმავს. ამის შესახებ მან „რეგიონის ახალ ამბებს“ უამბო. 2019 წელს, ის ფეხით დაადგა გზას კრემლისკენ, როგორც თავად თქვა “პუტინის განსადევნად”.
გაბიშევი ახალ ლაშქრობას იაკუტსკიდან, 2021 წლის მარტში დაიწყებს, სადაც მას მოხალისეებიც შეუერთდებიან. შამანის თქმით, მოსკოვისკენ ის თეთრ ცხენზე ამხედრებული გაემართება, მისი მხარდამჭერები კი გზას ავტომობილებით გაუყვებიან.
გაბიშევმა პირველი მოგზაურობა მოსკოვისკენ 2019 წელს დაიწყო. 6 თვისა და 3 ათასი გავლილი კილომეტრის შემდეგ ის დააკავეს.
