16 თებერვალს, საფრანგეთში, ქალაქ რენში, მასშტაბური სპეცოპერაციის შედეგად ქართული მაფიის 15 წევრი, მათ შორის ე.წ კანონიერი ქურდები დააკავეს. ამის შესახებ ფრანგული გამოცემა ლე მონდი წერს.
თითქმის ორწლიანი განმოძიების შემდეგ რენის პროგკურორმა ფილიპ ასტრიუკმა, რეგიონში მოქმედი ორგანიზებული დანაშაულებრივი ჯგუფის ლიკვიდაციის შესახებ განაცხადა. მისი თქმით, “რუსულენოვანი” ქართული მაფიის 15 წევრი, ე.წ. კანონიერი ქურდები, ორგანიზებული კრიმინალური დაჯგუფების წევრობის, ფულის გათეთრებისა და ძარცვის ბრალდებით დააკავეს.
პროკურორის თქმით, ჩხრეკისას ამოიღეს დიდი რაოდენობით მოპარული ნივთები – ტანსაცმელი, სხავდასხვა ხელსაწყოები, სპირტიანი სასმელები, სუნამოები, ტყავის ნაწარმი. გარდა ამისა ჩხრეკისას მიაგნეს მაღაზიებისა და სხავდასხვა ობიექტის გასაძარცვად განკუთვნილ ალუმინის ჩასაფენ პაკეტებს, მანქანების გასატაცებელ გასაღებებს, გადაჭრილ თოფებს, მასრებსა და ჯავშანჟილეტებს. ამოღებულია დიდძალი რაოდენობით ძირფასეულობა და ნაღდი ფულის სახით 53 ათასი ევრო.
როგორც საფრანგეთის ერვონული პოლიციის მთავარ სამმართველოში ამბობენ, გამოძიებისას კანონიერი ქურდების დაჯგუფების, ძალიან იერარქიული და კლანური სტრუქტურა გამოვლინდა.
